“Менинг фикрим” жамоавий мурожаатлар порталида хорижий тилларни ўргатувчи махсус телеканални ташкил этиш ҳақида петиция пайдо бўлди.
Унда билдирилишича, ҳозирги кунга келиб давлатимизда хорижий тилларни ўқитиш давлат сиёсати даражасига кўтарилди.
“Менинг таклифим, хорижий тилларни ўргатишга ихтисослаштирилган махсус телеканални ишга тушириш керак. Чунки, хорижий тиллар, биринчи навбатда инглиз тилини ўрганишга бўлган қизиқиш жуда юқори. Канал очиладиган тақдирда, машҳур хорижлик профессор-ўқитувчиларнинг маърузалари, инглиз тили ва бошқа фанлардан видеодарслар, кинофильмлар (subtitles), мусиқалар (lyric), ҳар хил турдаги кўнгилочар кўрсатувлар, ўзбек ва жаҳон адабиёти классикаларининг инглизча талқини, халқаро таълим дастурлари, инновациялар ва илм-фан ютуқлари ҳақида маълумотлар телеканал дастурларидан ўрин олади”, - деб ёзади мурожаат муаллифи.
Қайд этилишича, мазкур телеканални онлайн канал шаклида очиш ҳам мумкин, кейинчалик рақамли телевидение тарзида эфирга узатиш мақсадга мувофиқ. Телеканал кўрсатувларини сифатли, мазмунли тайёрланиши ва молиявий масалаларни ҳал этилишида пойтахтдаги халқаро олий таълим муассасалари, хорижий тилларни ўргатувчи ваколатхоналарнинг офислари, хусусий ўқув марказлари билан ўзаро келишув ва давлат-хусусий шерикчилик асосида ҳамкорлик қилиш мумкин.
“Мазкур таклиф кўриб чиқилиб, Ўзбекистон миллий телерадиокомпанияси томонидан амалга оширилса, хорижий тилларни ўргатиш соҳасида ўзига хос қадам бўлар эди”, - дейилади петицияда. “Замин” янгиликларини “Инстаграм”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Ўзбекистонда зилзилага тайёргарлик кучайтирилади
Эрдўғон: «Исроил Гитлердан ҳам ўтиб кетди»
«Реал Мадрид» устози Карло Анчелотти кечаги ғалабадан сўнг нималар деди?
Қозоғистонлик миллиардерлар сув тошқинидан зарар кўрган ҳудудларга маблағ ажратди
Хотирани яхшилашнинг жуда оддий усули топилди
Бизнес имкониятингизни кенгайтиринг
АҚШ разведкаси: Украина 2024 йил охиригача урушда ютқазиши мумкин
Қондаги шакар миқдорини тартибга солувчи фойдали мева номи айтилди