Ўзбекистон Республикаси президенти Шавкат Мирзиёев Пекин шаҳрида ўзи учун ажратилган қароргоҳда 25 апрель куни Беларусь Республикаси президенти Александр Лукашенко билан учрашув ўтказди. Бу ҳақда давлат раҳбари матбуот хизмати хабар бермоқда.
Беларусь президентининг Ўзбекистонга ўтган йилги расмий ташрифи икки томонлама муносабатлар тарихида янги саҳифа очгани, уларни сифат жиҳатидан янада юқори даражага олиб чиққани ва амалий мазмун билан бойитгани алоҳида таъкидланди.
Учрашувда илгари эришилган келишувлар ижросининг бориши батафсил кўриб чиқилди. Президентлар икки мамлакат ўртасида товар айирбошлаш ҳажми жадал ортаётганини мамнуният билан қайд этдилар.
Беларуснинг "Амкодор", "МАЗ", "МТЗ" ва бошқа етакчи компаниялари билан биргаликда саноатнинг турли тармоқларида кооперация лойиҳалари муваффақиятли амалга оширилмоқда. Мамлакатлар ҳудудлари ўртасидаги алмашинувлар анча фаоллашди. Фан, технологиялар ва таълим соҳасида самарали ҳамкорлик амалга оширилмоқда.
Давлатлар ўртасидаги мустаҳкам ишонч ва ҳамкорликнинг амалий натижаларига эришишга қатъий ўзаро интилиш уни янада ривожлантириш учун кенг имкониятлар очмоқда. Бугун мамлакатлар бунинг учун зарур салоҳиятга эга экани қайд этилди.
Учрашувда ўзаро савдони кенгайтириш, машинасозлик, қишлоқ хўжалиги, озиқ-овқат саноати, ахборот технологиялари, тиббиёт, фармацевтика, туризм соҳаларида қўшма дастур ва лойиҳаларни амалга ошириш, таълим, маданият ва бошқа йўналишларда ҳамкорликни ривожлантириш масалалари муҳокама қилинди.
Халқаро ва минтақавий аҳамиятга молик масалалар бўйича ҳам фикр алмашилди.
Давлат раҳбарлари шерикликнинг янги йўналишларини самарали ривожлантириш мақсадида турли даражадаги мулоқотни фаол давом эттиришга тайёр эканини таъкидлади, дейилади хабарда. “Замин” янгиликларини “Инстаграм”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
«Реал Мадрид» устози Карло Анчелотти кечаги ғалабадан сўнг нималар деди?
Ўзбекистонда зилзилага тайёргарлик кучайтирилади
Эрдўғон: «Исроил Гитлердан ҳам ўтиб кетди»
Қозоғистонлик миллиардерлар сув тошқинидан зарар кўрган ҳудудларга маблағ ажратди
Бизнес имкониятингизни кенгайтиринг
Нега Трамп Зеленскийни ёмон кўради?
Зеленский: Россия Украинанинг иссиқлик энергетикасини деярли тўлиқ яксон қилди
Қондаги шакар миқдорини тартибга солувчи фойдали мева номи айтилди