Президент мактабларига ҳужжат топшириш учун STEAM (Science – табиий фанлар, Technology – технологиялар, Engineering – техник ижодкорлик, Art – санъат, Mathematics – математика) йўналиши бўйича фанлардан аъло баҳо олиш талаб этилади. Бу ҳақда 27 май куни ўтказилган матбуот анжуманида Халқ таълими вазири Шерзод Шерматов маълум қилди.
Бу нима дегани?
- Яъни 4-синф битирувчилари математика ва табиатшунослик каби фанлардан аъло баҳога ўқиган бўлиши;
- 5-синф битирувчилари математика фанига қўшимча тарзда биология ҳамда информатика ва ахборот технологиялари;
- 6-синф битирувчилари ҳам математика фанига қўшимча биология, информатика ва ахборот технологиялари, физика фанларидан баҳолари аъло бўлиши талаб этилади;
- 7 – 9-синфларни битирган ўқувчилар алгебра, геометрия, информатика ва ахборот технологиялари, физика, кимё ва биология фанлари бўйича баҳолари аъло бўлсагина ҳужжат топшириши мумкин.
Матбуот анжуманида маълум қилинишича, Президент мактабларига ҳужжат топшириш учун баъзи фанларни аъло баҳога ўзлаштириш талаб этилади. Халқ таълими вазирининг айтишича, бу бирламчи талаб холос. Бу ҳеч нарсани ҳал қилмайди, "беш" баҳо учун номзодларга ҳеч қандай қўшимча балл берилмайди.
"Ота-оналар фарзандим "беш"га ўқимаган бўлса Президент мактабига қабул қилмас экан деб табелларни ўзгартириб, ҳақиқий баҳоларни сунъий равишда "беш"га алмаштириш йўлларини қидирмасин. Бундан болага ҳеч қандай фойда йўқ", – дея таъкидлади Шерзод Шерматов.
Номзодлар туғилганлик тўғрисидаги гувоҳнома, 2018/2019-ўқув йилидаги табели ва унинг нусхаси ҳамда таълим олаётган мактабидан белгиланган шаклдаги маълумотномани тақдим этиши керак.
Ҳужжатларни топшириш фақат ариза берувчининг таҳсил олаётган ҳудуди бўйича амалга оширилади. Аризачи ўқиётган мактабнинг ҳудудий жойлашуви Президент мактаби очилаётган ҳудудга мос келиши керак. Бошқа вилоятлар мактабларида таҳсил олаётган ўқувчилар 2020 – 2021-йилларда бошқа вилоятларда ташкил этиладиган Президент мактабларига ҳужжат топшириши мумкин. «Замин» янгиликларини «Вконтакти»да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Америкалик олимлар барча учун бирдек фойдали жисмоний фаоллик турини аниқлади
Эрон президенти жиддий баёнот берди: «Исроилдан ҳеч нарса қолмайди»
Пиёда юриш ва боғдорчилик билан шуғулланиш депрессияга чалинишни 23 фоизга камайтиради
Германияда мактаб ўқувчилари оммавий равишда ислом динини қабул қилмоқда
Велосипедда сайр қилиш учун 3 сабаб: ёшартиради, оздиради ва умрни узайтиради
Crocus терактида айбланаётган тожикистонлик Далержон Мирзоевнинг ота-онаси ўғли ҳақида гапирди
Россия дунёдаги биринчи водород ёқилғили автомобилни тақдим этди
Владимир Путин «Крокус»да содир этилган теракт учун ўч олишга чақирди
