Ўзбекистонда аномал иссиқ об-ҳаво кузатилади

11-18 июль кунлари Ўзбекистонда ҳаво ҳарорати ўртача кўп йиллик қийматлардан 5-7 даражага юқори бўлган ҳолда жуда иссиқ бўлиши кутилмоқда. Бу ҳақда Гидрометеорология хизмати маркази хабар берди.

Қайд этилишича, ҳаво кундуз кунлари 40-42 даражагача, жанубда ва чўл ҳудудларда 43-45 даража иссиққача кўтарилади. Бухоро, Навоий, Қашқадарё, Сурхондарё вилоятларида гармсел бўлиши мумкин.

11-18 июлда республиканинг тоғ олди ва тоғли ҳудудларида ҳарорат фонининг кўтарилиши ҳисобига Тожикистон ва Қирғизистон ҳудудларидан гляциал (музли) сел тошқинлари ўтиши мумкин. «Замин»ни Telegram’да ўқинг!