2 304
Мун Чжэ Ин корейс миллати вакилларига кўрсатилаётган илиқ муносабат учун Ўзбекистон халқига ташаккур изҳор қилди
Ўзбекистон Республикаси Олий Мажлиси Сенати раиси Танзила Норбоева бошчилигидаги парламент делегациясининг Корея Республикаси президенти Мун Чжэ Ин билан учрашуви бўлиб ўтди. Бу ҳақда Ўзбекистон Республикаси Олий Мажлиси Сенатининг ахборот хизмати хабар қилмоқда.
Корея Республикаси президенти Мун Чжэ Ин Ўзбекистон Республикаси парламенти делегациясини қутлар экан, жорий йил апрель ойида Ўзбекистондаги илиқ ва самимий қабул учун Ўзбекистон Республикаси президенти Шавкат Мирзиёевга яна бир бор ўз миннатдорлигини билдирди.
Мун Чжэ Ин Ўзбекистонда амалга оширилаётган кенг қамровли ислоҳотлар ва янгиланишларга юқори баҳо берди, дейилади хабарда.
Корея Республикаси президенти икки мамлакат ўртасидаги муносабатлар барча йўналишларда фаол ривожланаётганлигини мамнуният билан қайд этди. Давлат раҳбарлари ўртасидаги яқин ва ишончли алоқалар Ўзбекистон-Корея муносабатлари алоҳида стратегик шерикликнинг янги поғонасига кўтарилишига замин яратди.
Фото: Олий Мажлиси Сенати ахборот хизмати
Учрашувда Мун Чжэ Ин ташриф доирасида эришилган келишувлар муваффақиятли рўёбга чиқарилаётганини, Ўзбекистонда уларни амалга ошириш учун мониторинг гуруҳи ташкил этилганини таъкидлаб, бу борада юзага келадиган барча масалаларни шахсан ўзи ҳал этишга тайёр эканини билдирди.
Ўзбекистонда турли миллат ва элат вакиллари тинч-тотув яшаётганлигини таъкидлар экан, Корея етакчиси Ўзбекистонда корейс миллати вакилларига кўрсатилаётган илиқ муносабат учун Ўзбекистон халқига яна бир бор ўз ташаккурини изҳор қилди.
Учрашув якунида Мун Чжэ Ин Ўзбекистон Республикаси президентига чуқур ҳурмати ва эҳтиромини изҳор қилди, ўзаро алоқаларни янада мустаҳкамлашга умид билдирди ва Шавкат Мирзиёевни Корея Республикасига ташриф буюришини таклиф қилди. “Замин” янгиликларини “Youtube”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
АҚШ расмийлари: Миллионлаб америкаликлар хитойлик ҳакерлар ҳужумига учраган
Россия омбудсмани: “Дунё Москва яқинидаги теракт ташкилотчиларини топиш йўлида бирлашиши керак”
Москвадаги теракт бўйича яна уч киши ушланди
АҚШ Украинадаги муваффақиятсизликдан сўнг ноқулай ҳақиқатни тан олиши керак
ОАВ Россия ҳаракати Ғарбни қандай тушкунликка солганини ошкор қилди
Россия қўшинлари Авдеевкадаги иккита қишлоқни эгаллаб олди
Ҳар куни кечқурун пиёда юриш организмда қандай ўзгаришларга сабаб бўлади?
АҚШ элчиси: “Россия Украина пойтахтига гипертовушли ракеталар билан зарба берди”