23:37 / 19.08.2019
3 236

Ўзбекистон АрМИ-2019 натижаларига кўра 5-ўринни эгаллади

Ўзбекистон АрМИ-2019 натижаларига кўра 5-ўринни эгаллади
Ўзбекистон бешинчи марта ўтказилган Халқаро армия ўйинлари АрМИ-2019 мусобақалари натижаларига кўра 5-ўрин эгаллади.

Мусобақаларда 39 та давлатдан 223 та жамоа ва 5 мингдан кўпроқ ҳарбий иштирок этди. 10 та давлат ҳудудида умумий ҳисобда 32 та танлов ўтказилди: 15 та мусобақа Россияда, 4 та Хитойда, 3 та Қозоғистонда, иккитадан Беларусь ва Эронда ҳамда биттадан мусобақа Озарбойжон, Арманистон, Ҳиндистон, Мўғулистонда бўлиб ўтди. Ўзбекистонда ҳам мусобақалардан бири ўтказилди: “Фориш” полигонида “Ҳарбий-тиббий эстафета” бўлиб ўтди.

Ўзбекистонлик ҳарбийлар 14 та танловда иштирок этишиб, 2 та олтин, 4 та кумуш ва 5 та бронза медалини қўлга киритишди. Ўзбекистондан кейинги ўринларни Эрон, Арманистон, Озарбойжон, Мўғулистон ва Ҳиндистон эгаллади.

Ҳамюртларимиз “Эльбрус ҳалқаси” танлови доирасида Европа ва Россиянинг энг баланд чўққиси бўлмиш Эльбрусга кўтарилишда ҳамда “Ҳарбий-тиббий эстафета” танловида биринчи бўлишди.

АрМИда 1-ўринни 31 та медал билан Россия, 2-ўринни 12 та медал билан хитойликлар эгаллади. 3- ва 4-ўринлар Қозоғистон ва Беларусь ҳарбийларига насиб этди.

Dasturlash foundation


Ctrl
Enter
Хато топдИнгизми?
Иборани ажратиб Ctrl+Enter тугмасини босинг
Янгиликлар » Ўзбекистон » Ўзбекистон АрМИ-2019 натижаларига кўра 5-ўринни эгаллади