Ўзбекистон ҳарбийлари Англияда ўтказилган халқаро танловда 1-ўринни қўлга киритди (фото)

  • 22 октябрь 2019, 10:30
  • 661
  • Ўзбекистон
  • Ўзбекистон ҳарбийлари Англияда ўтказилган халқаро танловда 1-ўринни қўлга киритди (фото)
    6—21 октябрь кунлари Буюк Британиянинг Брекон шаҳрида қўшин разведкачилари ўртасида ўтказилган халқаро танловда Ўзбекистон Мудофаа вазирлиги жамоаси британиялик, непаллик ва швейсариялик ҳамкасблари билан бирга биринчи ўринни қўлга киритди. Бу ҳақда Мудофаа вазирлиги Ахборот ва оммавий коммуникациялар департаменти маълум қилди.

    Иккинчи ўрин Буюк Британия, Франция ва Ҳиндистон жамоаларига, учинчи ўрин ҳам мезбонларга насиб этди. Мазкур мусобақада 39 мамлакатдан жами 144 та жамоа қатнашди (мезбон давлат танловда 63 та жамоа билан иштирок этди).

    9 босқичдан иборат танлов давомида иштирокчилар навигация воситаларисиз Кембрия тоғлари бўйлаб 25 килограмм юк билан 70 километр масофага марш юриш, 1000 метрдан ортиқ баландликка кўтарилиш ва 750 метрлик пастликка тушишни амалга оширди.

    Фото: Мудофаа вазирлиги Ахборот ва оммавий коммуникациялар департаменти
    21 октябрь, душанба куни Ислом Каримов номидаги Тошкент халқаро аэропортида Ўзбекистон вакилларини тантанали кутиб олиш тадбирида Мудофаа вазирлиги масъул офицерлари, Қуролли Кучлар фахрийлари, ўқувчи ёшлар, оммавий ахборот воситалари ходимлари иштирок этди.

    Фото: Мудофаа вазирлиги Ахборот ва оммавий коммуникациялар департаменти

    Фото: Мудофаа вазирлиги Ахборот ва оммавий коммуникациялар департаменти

    Фото: Мудофаа вазирлиги Ахборот ва оммавий коммуникациялар департаменти
    Эслатиб ўтамиз, 2018 йилда ҳам «Кембрия патрули» халқаро танловида ўзбекистонлик ҳарбийлар биринчиликни қўлга киритган эди.

    Facebook орқали авторизация
    Маълумот

    Посетители, находящиеся в группе Гости, не могут оставлять комментарии к данной публикации.
    » » Ўзбекистон ҳарбийлари Англияда ўтказилган халқаро танловда 1-ўринни қўлга киритди (фото)