Ўзбекистон доимий аҳолиси сони маълум қилинди

Ўзбекистон Республикаси доимий аҳолиси сони 2019 йил 1 октябрь ҳолатига 33,7 млн кишини ташкил этди. Давстатқўм хабарига кўра, ўтган йилга нисбатан ўсиш суръати 1,9 фоизга тенг бўлди.

Республика ҳудудлари кесимида таҳлиллар шуни кўрсатганки, 2019 йил 1 октябрь ҳолатига энг кўп аҳоли сони Самарқанд вилоятида республика аҳолиси сонидаги улуши 11,4 %ни ташкил этиб, кейинги ўринларда Фарғона вилоятида 11,1 %ни, Қашқадарё вилоятида 9,7 %ни ва Андижон вилоятида 9,2 %ни ташкил этган.

Дастлабки маълумотларга кўра, 2019 йил 1 октябрь ҳолатига республика доимий аҳоли сонининг 30,5 %и меҳнатга лаёқатли ёшдан кичиклар, 59,1 %и меҳнатга лаёқатли ёшдагилар ва 10,4 %и меҳнатга лаёқатли ёшдан катталар ҳиссасига тўғри келмоқда.

2019 йилнинг январь-сентябрь ойларида аҳолининг табиий ўсиши 477,5 минг кишини ташкил этиб, 2018 йил мос даврига нисбатан 36,7 минг кишига (2018 йилнинг январь-сентябрь ойларида 440,8 минг киши бўлган) ўсган. «Замин»ни Telegram’да ўқинг!