Ўзбекистонда ҳафта давомида қандай об-ҳаво кутилмоқда?

  • 06 январь 2020, 16:32
  • 2 249
  • Ўзбекистон
  • Ўзбекистонда ҳафта давомида қандай об-ҳаво кутилмоқда?
    Бугун, 6 январь куни Волгабўйи ҳудудидан кирган совуқ ва нам ҳаво оқими сабабли Ўзбекистон ҳудудининг катта қисмида ёғингарчилик (ёмғир, қор) кузатилади.

    «Ўзгидромет» хабарига кўра, 7 январь куни фақат Тошкент, Самарқанд, Жиззах, Сирдарё вилоятларида ва Фарғона водийси вилоятларида беқарор об-ҳаво сақланиб туради, бу жойларда ёмғир, қор ёғиши мумкин. Республиканинг қолган ҳудудлари бўйича ёғингарчилик кузатилмайди.
    Ҳаво ҳарорати кечаси 2 даража совуқ – 3 даража илиққача, кундузи 0-5 даража илиққача пасаяди.

    8-9 январь кунлари об-ҳавонинг ёғингарчиликсиз, кам булутли бўлиши кутилмоқда. Антициклон чегараси таъсири натижасида ҳарорат кечаси манфий кўрсаткичларгача пасайиб 3-5 даража совуқни ташкил қилади.
    Кундузи қуёш ҳавони илитиб, 9 январга келиб ҳаво ҳарорати 7-12 даража илиққача кўтарилади.

    10 январда совуқ ҳаво оқими Ўзбекистон ҳудудидан чекинади. Тунги ҳарорат 0-2 даража совуққача кўтарилади, кундузи 7-12 даража илиқ атрофида бўлади.

    Маълумот

    Посетители, находящиеся в группе Гости, не могут оставлять комментарии к данной публикации.
    » » Ўзбекистонда ҳафта давомида қандай об-ҳаво кутилмоқда?