15:05 / 08.11.2020
3 142

Ўзбекистондаги мактабларда 6 фанни бирлаштирган Science фани жорий этилади

Ўзбекистондаги мактабларда 6 фанни бирлаштирган Science фани жорий этилади
Ўзбекистон таълим тизимида 2021/2022-ўқув йилидан бошлаб 1—6-синфларда табиий фанларни ўзида жамлаган Табиий (Science) фанлар жорий этилади. Бу ҳақда халқ таълими вазирлиги қошидаги Республика таълим маркази ахборот хизмати хабар берди.

Қайд этилишича, бир қатор ривожланган хорижий давлатлар таълим тизимида табиий фанлар (биология, география, кимё, физика) 1—6-синфларда Science дастури асосида ўқитилади.

Science фанлар айни вақтда ўқитиб келинаётган 1—2-синфда «Атрофимиздаги олам», 3—4-синфларда «Табиатшунослик», юқори синфларда эса 4 та алоҳида фанлар, яъни география, биология, физика (6-синфдан бошлаб), кимё (7-синфдан бошлаб) фанларини ўзида бирлаштиради.

«Табиий (Science) фанларнинг афзалликлари ва аҳамияти шундан иборатки, фан орқали ўқувчи оламнинг яхлит, ажралмас, бир бутунлигини англайди, илмий дунёқараши шаклланади, тадқиқотчилик кўникмалари ривожланади. Натижада PISA, TIMSS каби халқаро тадқиқотларда муваффақиятли иштирок этиш имконияти кенгаяди», — дейилади хабарда.

Ўзбекистон Халқ таълими ҳузуридаги Республика таълим маркази томонидан Табиий (Science) фанлар бўйича Миллий ўқув дастури лойиҳаси яратилиб, муҳокама қўйилган.

arenda kvartira tashkent


Ctrl
Enter
Хато топдИнгизми?
Иборани ажратиб Ctrl+Enter тугмасини босинг
Янгиликлар » Ўзбекистон » Ўзбекистондаги мактабларда 6 фанни бирлаштирган Science фани жорий этилади