28—29 март кунлари Ўзбекистоннинг тоғли ҳудудларига қор ёғиши кутилмоқда

«Ўзгидромет» 28—29 март кунлари Ўзбекистон ҳудудига Каспий денгизи орқали Кавказ ҳудудлари устида шаклланган совуқ ва нам ҳаво массалари кириб келишини маълум қилди.

Маълум қилинишича, 28—29 март кунлари республика ҳудуди бўйлаб ёмғир ёғиб, тоғли ҳудудларда ёғингарчилик (ёмғир, қор) кузатилади.

28—29 март кунлари республика ҳудудларида шамолнинг тезлиги 17-22 метр/секундгача кучайиши кутилмоқда, баъзи жойларда 23—28 метр/секундгача етиши мумкин. 29 мартда ҳаво ҳарорати кечаси ва кундузи 6-11 даражагача илиқ бўлади. «Замин»ни Telegram’да ўқинг!