13:01 / 01.04.2021
1 090

Ўзбекистонда ўтган бир сутка ичида яна 181 кишида коронавирус аниқланди

Ўзбекистонда ўтган бир сутка ичида яна 181 кишида коронавирус аниқланди
Ўзбекистонда коронавирусга чалингани расман тан олинганлар сони 83 050 нафарга етди. Соғлиқни сақлаш вазирлиги маълумотларига кўра, 31 март куни мамлакатнинг 10 та ҳудудида жами 181 та касалланиш ҳолати аниқланган.

Янги касалланиш ҳолатларининг:
5 нафари Қорақалпоғистон Республикасида,
1 нафари Андижон вилоятида,
6 нафари Бухоро вилоятида,
6 нафари Жиззах вилоятида,
2 нафари Наманган вилоятида,
11 нафари Самарқанд вилоятида,
3 нафари Сирдарё вилоятида,
2 нафари Сурхондарё вилоятида,
18 нафари Тошкент вилоятида,
127 нафари Тошкент шаҳрида коронавирусга чалинган беморлар билан мулоқотда бўлгани сабаб намуна олинган фуқаролар орасида аниқланган.
Шунингдек, 1 нафар коронавирусга чалинган бемор вафот этиб, касалликдан вафот этганлар сони 630 нафарга етди.

ССВнинг қўшимча қилишича, ўтган бир сутка давомида Бухорода 5 киши, Наманганда 3 киши, Хоразмда 5 киши, Тошкент вилоятида 15 киши, Тошкент шаҳрида эса 124 киши, республика бўйича жами 152 киши COVID-19 дан тузалган. Соғайиш кўрсаткичи 98 фоизни ташкил этмоқда.

Айни пайтда тиббиёт муассасаларида даволанаётган 1285 нафар бемордан 191 нафари оғир, 85 нафари эса ўта оғир аҳволда.

Эслатиб ўтамиз, 30 март куни Самарқанд ва Тошкент вилоятлари ҳамда Қорақалпоғистонда коронавирусга чалиниш бўйича 2021 йил антирекордлари қайд этилган эди.

Ctrl
Enter
Хато топдИнгизми?
Иборани ажратиб Ctrl+Enter тугмасини босинг
Фикрлар (0)


Янгиликлар » Ўзбекистон » Ўзбекистонда ўтган бир сутка ичида яна 181 кишида коронавирус аниқланди