Ўзбекистонда ҳафта ўртасида ҳарорат 32 даражагача кўтарилади

Ўзбекистоннинг шимолий ҳудудларига 6 апрель куни Эрон ҳудудларидан илиқ ва қуруқ ҳаво массалари кириб келиши бошланади, деб хабар бермоқда «Ўзгидромет».

Хабарга кўра, мамлакат бўйича ёғингарчиликсиз об-ҳаво бўлиши кутилмоқда, фақат тоғ олди ва тоғли ҳудудларда баъзи жойларда ёмғир ёғиши мумкин. Кундузи ҳаво ҳарорати 18-20 даража илиққача исийди ва меъёрий қийматларга яқинлашади.

7—9 апрель кунлари илиқ ҳаво массалари Ўзбекистоннинг барча ҳудудларига тарқалади. Асосан, кам булутли об-ҳаво бўлиши кутилмоқда. Марказий, шарқий ҳудудларда кундузги ҳаво ҳарорати 23-26 даража илиққача, шимолда ва жанубда 27-32 даража илиққача аста-секин кўтарилади, бу ўртача кўп йиллик қийматлардан 2-3 даражага кўпдир.

5—9 апрель кунлари Тошкент ва Наманган вилоятларининг тоғли ҳудудларида 1600 метрдан юқорида қор кўчиши хавфи бор. «Замин»ни Telegram’да ўқинг!