16:12 / 26.04.2021
1 435

Ушбу ҳафтада юртимизда жазирама об-ҳаво бўлиши кутилмоқда

Ушбу ҳафтада юртимизда жазирама об-ҳаво бўлиши кутилмоқда

«Ўзгидромет» ҳафталик об-ҳаво маълумотини тақдим этди.
25 апрелдан бошлаб мамлакатимизга жуда илиқ ҳаво массалари жадал кириб келиши бошланди. Ўзбекистоннинг барча ҳудудлари бўйича апрель ойининг охирига қараганда ёзнинг боши учун хос бўлган очиқ об-ҳаво ҳарорати кузатилди.

Бугун ва иш ҳафтасининг давомида ҳарорат меъёрдан 5-8° га кўп бўлади. Ҳаво ҳарорати кечалари 14-17°, кундуз кунлари 32-35°, жанубда ва чўл ҳудудларида 37-38° гача бўлади. Кундузги ҳарорат шу кунлар учун бўлган мутлоқ максимумга яқинлашади.

Ҳафтанинг охирида Каспий денгизининг шимолий ҳудудларидан салқин ва бироз нам ҳаво массалари кириб келади. Республика ҳудудида ҳаво булутли бўлиши кутилмоқда, лекин ёғингарчилик эҳтимоли кам бўлади. Кундуз куни ҳарорат 27-32° гача бироз пасаяди, аммо меъёрдан юқори бўлиб қолади.

Ctrl
Enter
Хато топдИнгизми?
Иборани ажратиб Ctrl+Enter тугмасини босинг
Фикрлар (0)


Янгиликлар » Ўзбекистон » Ушбу ҳафтада юртимизда жазирама об-ҳаво бўлиши кутилмоқда