20:02 / 04.12.2021
2 898

Навоийда ноқонуний диний фаолият билан шуғулланиб келган шахс аниқланди

Навоийда ноқонуний диний фаолият билан шуғулланиб келган шахс аниқланди
Навоий шаҳрида мунтазам равишда ноқонуний диний фаолият билан шуғулланиб келган шахс аниқланди, деб хабар беради ЎзА.

Маълум қилинишича, Навоий шаҳар ИИБ Терроризм ва экстремизмга қарши курашиш бўлими ходимлари томонидан тезкор тадбир ўтказилган. Тадбир давомида шаҳарнинг «Ватан» маҳалла фуқаролар йиғинида яшовчи фуқаро А.Н. хонадонида текширув ўтказилган ва у мунтазам равишда ноқонуний диний фаолият билан шуғулланиб келгани маълум бўлган.

Вилоят ИИБ хабарига кўра, фуқаро уйидан араб тилида битилган китоблар ва турли буюмлар топилган.

Айни пайтда мазкур ҳолат юзасидан тегишли ҳужжатлар расмийлаштирилиб, терговга қадар текширув ҳаракатлари олиб борилмоқда.

Аввалроқ Тошкентда вояга етмаганларга ноқонуний диний таълим берган йигит 15 суткага қамалгани, Наманганда яшаш хонадонида 10 дан ортиқ болага ноқонуний диний таълим берган ота-бола жазога тортилгани тўғрисида хабар берилганди.

Dasturlash foundation


Ctrl
Enter
Хато топдИнгизми?
Иборани ажратиб Ctrl+Enter тугмасини босинг
Янгиликлар » Ўзбекистон » Навоийда ноқонуний диний фаолият билан шуғулланиб келган шахс аниқланди