Шавкат Мирзиёев ўзбек пахтаси қора рўйхатдан чиқарилгани ҳақида

Шавкат Мирзиёев раислигида саноат кооперациясини ривожлантириш ва ишлаб чиқаришни маҳаллийлаштириш чора-тадбирлари юзасидан видеоселектор йиғилиши бўлиб ўтмоқда. Йиғилишда президент маҳаллий ишлаб чиқарувчилар учун очилаётган янги имкониятларни қайд этди.

«Сўнгги беш йилда қишлоқ хўжалиги соҳасидаги ислоҳотларимиз самарасини бериб, Cotton Campaign куни кеча Ўзбекистонни қора рўйхатидан чиқарди. Бу ҳам биз учун жуда катта имконият, янги бозорлар дегани.

Бунинг ҳисобига истеъмол маҳсулотларининг хом ашёсини олиб келиб, уларни қайта ишлаш орқали қўшимча 1,5 миллиард долларлик маҳсулотни бемалол экспорт қилса бўлади», — деди давлат раҳбари.

Шу боис хом ашёни олиб келиб, тайёр маҳсулот чиқарган ва уни четга сотадиган (божхона ҳудудида қайта ишловчи) корхоналарга апрелдан бошлаб:

• экспортчилар учун берилаётган барча имтиёзлар татбиқ этилади;
  
• лойиҳалари доирасида техник-иқтисодий асос, маҳсулот сертификати, божхона тўловлари таъминоти талаб этилмайди;
  
• рухсатнома бериш муддати 3 баробар қисқаради, 1 йил давомида ишлаб келаётганларига рухсатнома ҳар бир контрактига эмас, балки корхона фаолиятига берилади;
  
• олиб келган дастгоҳлари учун божхона божлари ундирилмайди.

Эслатиб ўтамиз, 2022 йил 10 март куни Cotton Campaign халқаро коалицияси Ўзбекистон пахтасига эълон қилинган глобал бойкотни бекор қилди.

Шавкат Мирзиёев, Ўзбек пахтаси, Қора рўйхатдан чиқарилган, Cotton Campaign “Замин” янгиликларини “Одноклассники”да кузатиб боринг