Ўзбекистоннинг 9 та вилоятида сел ва сув тошқинлари кузатилиши мумкин

Ўзбекистоннинг тоғолди ва тоғли ҳудудларида 18–21 апрель кунлари кучли ёмғир ёғиши кутилмоқда. Шу муносабат билан «Ўзгидромет» фуқароларга шошилинч ахборот билан чиқди.

Қайд этилишича, бир қатор ҳудудларда, жумладан:

• Қашқадарё вилояти: Яккабоғ, Деҳқонобод, Чироқчи, Китоб, Шаҳрисабз, Қамаши, Ғузор, Косон туманларида;
  
• Сурхондарё вилояти: Сариосиё, Узун, Олтинсой, Денов, Бойсун, Шеробод, Шўрчи, Қумқўрғон, Музработ туманларида;
  
• Самарқанд вилояти: Ургут, Самарқанд, Булунғур, Нуробод, Қўшработ, Каттақўрғон, Пайариқ, Жомбой, Иштихон туманларида;
  
• Навоий вилояти: Хатирчи, Навбаҳор, Нурота, Конимех, Кармана туманларида;
  
• Жиззах вилояти: Зомин, Бахмал, Ғаллаорол, Шароф Рашидов, Фориш, Янгиобод туманларида;
  
• Тошкент вилояти: Оҳангарон, Бўстонлиқ, Паркент, Пскент, Ўрта Чирчиқ, Юқори Чирчиқ туманларида ва Ангрен, Олмалиқ шаҳарларида;
  
• Наманган вилояти: Поп, Косонсой, Чортоқ, Чуст, Наманган, Янгиқўрғон туманларида;
  
• Фарғона вилояти: Сўх, Фарғона, Бешариқ туманларида;
  
• Андижон вилояти: Андижон, Асака, Жалақудуқ, Қўрғонтепа, Пахтаобод, Избосган, Хўжаобод, Мархамат туманларида ва Хонобод шаҳрида сел-сув тошқин ҳодисалари юзага келиши мумкин.

«Тоғолди ва тоғли ҳудудларда истиқомат қилувчи фуқаролардан, дам олувчилар ҳамда тоғли ҳудудларда ҳаракатланувчи ҳайдовчилардан эҳтиёткорлик чораларини кўришларини сўраймиз», — дейилади хабарда.

Эслатиб ўтамиз, 18—20 апрель кунлари Ўзбекистон ҳудудига Туркманистон орқали Эрондан нам ҳаво кириб келади. Шу сабабли «Ўзгидромет» келаси ҳафта бошларида кучли ёмғир ва дўл ёғишидан огоҳлантирган. “Замин” янгиликларини “Youtube”да кузатиб боринг