Xiaomi ҳар SU7 электромобилда $900 йўқотмоқда

Xiaomi автомобил бўлими 2025 йилнинг биринчи чорагида 500 миллион юань (тақрибан 69 миллион доллар) зарар кўрди, деб Auto.Mail.ru хабар берди. Шуни қарамай, компания етказиб бериш ҳажмини оширмоқда ва яқин ойларда фойдага чиқишни режалаштирмоқда. Hозирда ҳар бир SU7 электромобили компанияга тахминан 6500 юань ёки 900 доллар зарар келтирмоқда.

Биринчи чоракда Xiaomi тахминан 76 минг SU7 моделини мижозларга етказиб берди. Компания раҳбари Лу Вейбинг таъкидлашича, автомобил лойиҳаси ҳали ривожланишнинг дастлабки босқичида. 2024 йилда ҳар бир машина 9200 доллар зарар келтираётган бўлса, бу кўрсаткич бир йил ичида деярли ўн баробарга қисқарган.

Xiaomi ишлаб чиқаришни кенгайтириш орқали зарарни камайтиришга ишонмоқда. Шунингдек, келгусида янги кроссовер модели — YU7 тақдим этилади, ва у SU7’га нисбатан уч баробар кўпроқ қизиқиш уйғотмоқда.

Шу билан бирга, Xiaomi SU7 Ultra модели учун куч чекловлари сиёсатига ҳам ўзгартиш киритди. Илгари 1548 от кучигача етиши фақат махсус трекларда ўқув курсини ўтаганлар учун рухсат этилар эди. Энди, мижозлар шикоятларидан сўнг, бу чеклов бекор қилинди.
«Замин»ни Telegram’да ўқинг!