2025-йил июнида Ҳиндистоннинг Ахмадабад шаҳридан ҳавога кўтарилган Air India 171-рейси парвози кўп ўтмай қулаб, 260 кишининг умрига зомин бўлди. Бу даҳшатли ҳалокат ортидан ҳалок бўлганларнинг тўрт нафар йўловчиси оилалари АҚШда Boeing ва Honeywell компанияларига қарши даъво очди.
Даъво аразасида таъкидланишича, самолётдаги ёқилғи калитлари носоз бўлган ва шу сабабли двигателларга ёқилғи оқими узилиб қолган. Оилалар ишлаб чиқарувчилар бу хавфни олдиндан билган бўлса-да, уни бартараф этиш чораларини кўрмаганликда айбламоқда.
Ҳиндистоннинг Авиация ҳалокатларини тергов бюроси ҳам дастлабки ҳисоботида айнан шу носозликни қайд этди. Учишдан бир неча сония ўтиб ёқилғи калити “cut-off” ҳолатига ўтгани сабабли самолёт кучсизланиб, бошқарувни йўқотган. Бу эса бутунлай дизайн нуқсони сифатида кўрилмоқда.
Boeing изоҳ бермади, Honeywell ҳам расмий жавоб қайтармади. Мутаҳассислар ҳалокат юзасидан якуний ҳисобот 2026-йилда эълон қилиниши кутилмоқда. Оилалар эса адолат қарор топишини ва бундай фожиага сабаб бўлганлар жавобгарликка тортилишини талаб қилмоқда.
“Zamin”ни Telegram'да ўқинг!
