“UzAuto Motors” АЖ Chevrolet Cobalt автомобилининг янги модификацияларини оммавий ишлаб чиқаришни бошлаганини маълум қилди, деб UzAuto Motors хабар берди. Бу янгилик автомобиль моделлари қаторини кенгайтириш дастури доирасида амалга оширилмоқда.
Эндиликда Chevrolet Cobalt автомобили мижозлар учун илгари мавжуд бўлмаган янги опсияларга эга бўлган иккита янги версияда — Cobalt Style МCМ ва Cobalt Midnight МCМ тақдим этилади. Бу моделллар аввалги учта комплектатсияга қўшимча бўлади.
Янги версияларда автомобилнинг 50 дан ортиқ муҳим компонентлари янгиланган: янги двигатель бошқарув блоки, такомиллаштирилган электрон тизимлар, АБС ва хавфсизлик ёстиқчалари, диагностика модули ва бошқа элементлар янгиланди.
Иккала моделда ҳам ҳайдовчи ва йўловчилар қулайлиги устувор бўлиб, круиз-назорат, олд ўриндиқларни иситиш тизими, Android Auto ва Apple CarPlay билан мос мультимедиа, янгиланган асбоблар панели ва бошқарув тугмаларига эга руль мавжуд.
Midnight МCМ комплектатсияси дизайн ва технологияга алоҳида урғу билан ишлаб чиқилган. Автомобиль салони экочармдан тайёрланган, иситиладиган, янги тикувга эга ўриндиқлар билан жиҳозланган. Ички қисми тўлиқ қора, ташқи кўринишда эса “Миднигҳт”га хос қора ойналар, дисклар ва қорайтирилган фаралар билан ажралиб туради.
Янги нархлар:
– Style MCM — 156 100 000 сўм
– Midnight MCM — 165 200 000 сўм
Аввалги нархлар ўзгаришсиз қолади:
– Style AT Plus — 147 916 000 сўм
– Midnight АТ — 155 231 000 сўм
2025 йил 3 ноябрдан бошлаб, барча Chevrolet дилерлик марказларида янги комплектатсиялар савдога чиқарилади.
