Хитой машиналари Ўзбекистон йўлларини эгаллаяптими?
2025-йилнинг январ–сентябр ойларида Ўзбекистонга 16 та хорижий давлатдан 473 миллион АҚШ долларига тенг 40 345 дона электромобил олиб кирилди. Импорт қилинган электромобилларнинг 39 798 таси Хитой ҳиссасига тўғри келиб, бу умумий кўрсаткичнинг асосий қисмини ташкил этди. Электромобил импорти ўтган йилнинг шу даврига нисбатан 24 минг донадан зиёдга ошиб, деярли 2,5 баробар кўпайди.
Миллий статистика қўмитаси маълумотларига кўра, 2025-йилнинг январ–сентябрь ойларида Ўзбекистонга 16 та хорижий давлатдан умумий қиймати 473 миллион АҚШ долларига тенг 40 345 дона электромобил олиб кирилган.
Бу кўрсаткич ўтган йилнинг шу даврига нисбатан 24 минг донадан зиёд ортиб, деярли 2,5 баробар ўсишни кўрсатмоқда.
Энг кўп электромобиллар Хитойдан импорт қилинган — 39 798 дона. Шунингдек, Гонконгдан 249 дона, Корея Республикасидан 165 дона, Германиядан 43 дона ва АҚШдан 25 дона электромобил олиб кирилган. Қолган 65 таси бошқа давлатларга тўғри келади.
Экспертлар фикрича, электромобил импортининг бу қадар тез ўсиши мамлакатда “яшил энергия”га ўтиш сиёсати, божхона имтиёзлари ва аҳолининг экологик транспорт воситаларига бўлган қизиқиши билан боғлиқ. Шу билан бирга, электр қувватлаш инфратузилмасининг ривожи ҳам бу жараённи янада жадаллаштириши кутилмоқда.
Изоҳлар 0
…