Президентнинг Тошкент шаҳрида экологик вазиятни яхшилашга қаратилган фармонига биноан, пойтахтда транспорт ҳаракати бўйича янги чекловлар жорий этилади. Бу чора-тадбирлар атмосфера ҳавосини тозалаш ва зарарли чиқиндиларни камайтиришга қаратилган.
Фармонга мувофиқ, Тошкент шаҳрида юк ташувчи автотранспорт воситаларининг ҳаракати вақтинча чекланади. Бу тақиқ айрим кунларда ёки маълум соатларда кучга киради.
Шунингдек, энгил автомобиллар ҳаракати давлат рақамларидаги тоқ-жуфт тартиб асосида бошқарилади. Тоқ саналарда фақат рақами тоқ бўлган машиналар, жуфт саналарда эса жуфт рақамли автомобиллар ҳаракатланишига рухсат берилади.
Ушбу тартибда электромобиллар истисно этилади ва улар ҳар қандай кунда эркин ҳаракатланиши мумкин. Бундай ёндашув экологик тоза транспорт воситаларини рағбатлантиришга хизмат қилади.
Махсус комиссия мазкур тартибни жорий қилиш муддатлари ва назорат механизмларини белгилаб боради. Чекловларнинг жорий қилиниши аҳолининг хабардор қилиниши билан бирга амалга оширилади.
Меҳмон гуруҳидаги фойдаланувчилар ушбу мақолага изоҳ қолдира олмайди.
