Tesla Европа учун арзон электромобилларни тақдим этмоқда

21:53 / 10.12.2025·231·Авто

Қисқача

Tesla Европа бозори учун асосий техник имкониятлари, жумладан ВЛТП бўйича 480 километрдан ортиқ юриш масофаси сақланган арзонлаштирилган Модел 3 версиясини тақдим этди. Нархни пасайтириш мақсадида орқа экран ва ўриндиқлар вентиляцияси олиб ташланган, рул чамбараги қўлда созланадиган қилинган, салон материаллари соддалаштирилган ва автомобил фақат 18 дюймли ғилдираклар ҳамда оқ, қора ва кулранг рангларда таклиф этилади.

Tesla компанияси талабнинг секинлашиши ва рақобатчиларнинг босими кучайган бир пайтда Европа бозори учун Model 3 электромобилининг арзонлаштирилган турини намойиш этди. Бу ҳақда “Reuters” агентлиги маълум қилди.

Янги версия айрим соддалаштирилган қулайликларга эга бўлганига қарамай, асосий техник имкониятлар сақлаб қолинган — WLTP стандарти бўйича бир марта қувватлашда 480 километрдан ортиқ йўл босиш қобилияти ўша ҳолича қолган.

Шу билан бирга, нархни пасайтириш учун бир қатор функциялар “иқтисод режимидан” ўтказилган. Хусусан:

• Орқа томондаги экран ва ўриндиқлар вентиляцияси бекор қилинган

• Руль чамбараги энди қўлда созланади

• Салон материаллари тўлиқ чарм эмас — мато ва сунъий чарм қўшилмасидан тайёрланган

• Автомобиль фақат 18 дюймли ғилдираклар билан таклиф қилинади

Ранг танлови ҳам чекланган: модел фақат оқ, қора ва кулранг вариантларда сотувга чиқади.

Германияда янги вариантнинг бошланғич нархи 37 970 евро этиб белгилаган. Солиштириш учун, Model 3 Premium ўша бозорда 45 970 евро туради. Норвегияда нарх тахминан 32,6 минг доллар, Швецияда эса 47,8 минг доллар атрофида белгиланган.

Арзонлаштирилган Model 3’ларни етказиб бериш 2026 йилнинг биринчи чорагига мўлжалланган. Муттахассислар фикрича, Tesla агрессив нарх сиёсати орқали Европадаги улушини йўқотмасликка ҳаракат қилмоқда. Чунки Volkswagen ID.3 ва Хитойнинг BYD Atto 3 каби арзон рақиблар оммалашиб, бозорни жиддий бўлиб бормоқда.