Mercedes-Benz компанияси мудофаа бозорига кириш имкониятини кўриб чиқмоқда

Германиянинг Mercedes-Benz компанияси мудофаа бозорига кириш имкониятини кўриб чиқмоқда. Бу ҳақда компания бош директори Ола Каллениус The Wall Street Journal нашрига берган интервьюсида маълум қилди.

Каллениуснинг айтишича, бугунги глобал вазият тобора мураккаблашиб бормоқда. Шу сабабли Европа ўз мудофаа салоҳиятини кучайтириши зарур ва Mercedes-Benz бу жараёнга ҳисса қўшишга тайёр.

Компания раҳбари мудофаа билан боғлиқ ишлаб чиқариш асосий автомобиль ҳамда юк машиналари бизнесига нисбатан кичик йўналиш бўлишини таъкидлади. Яъни бу Mercedes-Benz фаолиятининг асосий қисмига айланмаслиги мумкин.

Аввалроқ Der Spiegel нашри Франция-Германия мудофаа концерни KNDS Mercedes-Benz билан Людвигсфелддаги заводни сотиб олиш бўйича музокара олиб бораётгани ҳақида хабар берган эди.

Nigina Zarqarayeva

«ZAMIN.UZ» муҳаррири

+ Zamin.uz сайтини Googleга қўшинг