Интернетда янги авлод Range Rover’ининг илк суратлари пайдо бўлди

^{Фото: Autocar}
Британиянинг Land Rover компанияси янги авлод улкан йўлтанламасини тайёрламоқда ва у 2021 йилдан бозорларга чиқади, деб хабар берди Autorambler.

Бешинчи авлод моделининг серияолди кузов панели прототипи камуфляж остида синов йўлагига чиқди. Маълумотларга кўра, янги модель устида ишлар кечиктирилмаган ва у 2021 йилнинг охирига бориб дилерлик салонларида пайдо бўлиши керак.

Модель дизайни ҳақида ҳозирча маълумотлар йўқ, бироқ концепциясининг умумий тузилиши очиқ-ойдин — автомобиль ўзидан олдинги «аждоди» каби бўлади ва кўзга ташланувчанликни сақлаб қолади. Прототипда моделнинг анча кенг олд ва орқа томони, шунингдек, кенгайирилган ғилдираклар ёйини кўриш мумкин.

Янги Range Rover замонавий модель каби стандарт ва кенгайтирилган ғилдираклар базаси билан ишлаб чиқарилади. Унинг асосини турли автомобиллар, жумладан, гибрид ва электрокарлар учун яратилган Modular Longitudinal Architecture (MLD) шассиси ташкил этади. Яқин Шарқ ва АҚШ каби давлатларга 4,4 литрли V8 двигатели ўрнатилган моделлари тақдим этилади.

^{Фото: Autocar}
Бошқа минтақа харидорлари учун эса гибрид версиялари, хусусан, электромоторли plug-in, шунингдек, тўлиқ электр қувватида ишловчи йўлтанламас Осиё бозорлари учун таклиф этилади. “Замин” янгиликларини “Telegram”да кузатиб боринг