«Алимент қарздорлигини ундириш тартиби такомиллаштирилаётганлиги муносабати билан Ўзбекистон Республикасининг айрим қонун хужжатларига ўзгартиш ва қўшимчалар киритиш тўғрисида»ги Қонун лойиҳаси муҳокамага қўйилди.
«Суд ҳужжатлари ва бошқа органлар ҳужжатларини ижро этиш тўғрисида»ги Қонунга ўзгартириш ва қўшимчалар киритиш режалаштирилмоқда. Жумладан, суд ҳужжатлари ва бошқа органлар ҳужжатларини мажбурий тартибда ижро этилишини таъминлаш мақсадида ички ишлар органлари қўшимча равишда қуйидаги вазифаларни ҳам амалга оширади:
- давлат ижрочисининг сўрови асосида алимент тўлови бўйича қарздор жисмоний шахснинг транспорт воситаларини бошқариш ҳуқуқи тўғрисидаги маълумотни тақдим этади;
- қарздор жисмоний шахснинг транспорт воситаларини бошқариш ҳуқуқини вақтинча чеклаш тўғрисидаги давлат ижрочисининг қарори ижросини таъминлайди;
- транспорт воситаларини бошқариш ҳуқуқи алимент тўламаганлиги учун чекланган фуқаролар реестрини шакллантиради.
Шунингдек қарздорнинг транспорт воситаларини бошқариш ҳуқуқини вақтинча чеклаш қўлланилмайдиган ҳолатларга қўшимчалар киритилиши таклиф этилмоқда. Қуйидаги ҳолатлар улар жумласига киритилмоқда:
- суд қарорини ижро этиш учун етарли мол-мулк олиб қўйилган тақдирда;
- агар шундай чеклаш белгиланиши қарздор тирикчилигининг асосий ва қонуний манбаидан маҳрум қилса;
- агар қарздорга ижро ҳужжати талабларини бажариш учун кечиктириш ёки бўлиб-бўлиб тўлаш имконияти берилган бўлса ва бошқалар.
Юқорида баён этилганлардан келиб чиқиб, транспорт воситасини бошқариш ҳуқуқи вақтинча чекланган қарздор автомобилни бошқарганлиги учун маъмурий жавобгарликка тортилишини белгилаш таклиф этилмоқда. Бундай ҳаракатнинг содир этилиши 5 БҲМ миқдорида жарима солинишига сабаб бўлиши мумкин.
Шунингдек ижро ҳужжатидаги талаблар белгиланган муддатда алимент тўлови бўйича қарздор томонидан узрсиз сабабларга кўра ижро этилмаганда унга лицензия бериш вақтинча тақиқланиши, шунингдек қарздорга илгари берилган лицензиялар, рухсатномалар ва махсус ҳуқуқларнинг амал қилиши тўхтатиб турилиши мумкин.
Лойиҳа ўзгартирилиши, унга қўшимча киритилиши ёки рад этилиши мумкин. “Замин” янгиликларини “Twitter”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Футзал. Осиё Кубоги. Тожикистон Японияни гуруҳда қолдирди
Россия дунёдаги биринчи водород ёқилғили автомобилни тақдим этди
Ўзбекистонда ўтган уч ойда қанча автомобиль ишлаб чиқарилган?
Тошкентда 02 кодли авторақамлар тахминан қачон пайдо бўлиши айтилди
Crocus терактида айбланаётган тожикистонлик Далержон Мирзоевнинг ота-онаси ўғли ҳақида гапирди
Владимир Путин «Крокус»да содир этилган теракт учун ўч олишга чақирди
Америкалик олимлар барча учун бирдек фойдали жисмоний фаоллик турини аниқлади
ҲАМАС етакчиси: Исроил Рафаҳга кирса, Фаластин халқи оқ байроқни кўтармайди
