18:23 / 25.11.2021
1 616

Ўзбекистон бозорига Хитойнинг Chery автомобиллари кириб келиши кутилмоқда

Ўзбекистон бозорига Хитойнинг Chery автомобиллари кириб келиши кутилмоқда
Chery Tiggo 7 Pro.
Фото: All Carz

Хитойнинг автомобиль ишлаб чиқарувчи Chery компанияси 2022 йилнинг биринчи ярмида Ўзбекистон бозорига кириб келиши кутилмоқда. Бу ҳақда компания вакиллари Spot’га маълум қилган.

Дастлаб Pro сериясидаги автомобиллар (Tiggo 8 Pro, Tiggo 7 Pro, Tiggo 4 Pro ва Tiggo 2 Pro) сотувга чиқиши кутилмоқда. Компания айнан қандай моделларни Ўзбекистонга етказиб бермоқчилиги ҳозирча ноаниқ.

Ушбу компания автомобиллари сотилувчи биринчи автосалон Тошкентда очилади. Кейинчалик компания Chery автомобилларини мамлакатнинг яна 7 та шаҳрида тақдим этиш ниятида.

Chery Automobilе Cо 1997 йилда Хитойда ташкил этилган. Компания автомобилларни 80 дан ортиқ мамлакат ва минтақага экспорт қилади, Хитойдан ташқарида 10 та завод, 1500 дан ортиқ чет эл дилерлик марказлари ва хизмат кўрсатиш марказларига эга. Сўнгги 18 йилдан буён Chery енгил автомобиллар экспорти бўйича Хитойда биринчи ўринни эгаллаб келмоқда.

Ctrl
Enter
Хато топдИнгизми?
Иборани ажратиб Ctrl+Enter тугмасини босинг
Фикрлар (0)


Янгиликлар » Авто » Ўзбекистон бозорига Хитойнинг Chery автомобиллари кириб келиши кутилмоқда