Туркия президенти Ражаб Таййип Эрдоған Львовдаги музокаралар чоғида Владимир Зеленскийга Россия етакчиси Владимир Путин билан Туркияда учрашув ўтказишни таклиф қилганини айтди.
Туркия раҳбарининг сўзларига кўра, учрашувнинг асосий мавзуси февраль ойидан бери давом этаётган можаро бўлган.
“Биз жаноб Зеленский билан икки томонлама муносабатларимизнинг барча жабҳаларини муҳокама қилдик. Мен бирдамлигимиз ва Украинанинг ҳудудий яхлитлиги ва суверенитетини қўллаб-қувватлашимиз давом этишини яна бир бор таъкидладим. Сочига ташрифим чоғида Путинга айтганимдек, жаноб Зеленскийга ҳам улар ўртасида учрашув ўтказишимиз мумкинлигини эслатдим”, деди Эрдоған Львовдан қайтгач, самолётда журналистларга.
Унинг сўзларига кўра, уч томонлама учрашувда (Эрдоған, Зеленский ва БМТ Бош котиби Антониу Гутерриш) Украина ғалласини экспорт қилишни осонлаштириш бўйича кўрилиши мумкин бўлган қадамлар муҳокама қилинган. Бундан ташқари, Туркия президенти Путин билан Запорожье атом электр станциясидаги вазиятни муҳокама қилмоқчи эканлигини қўшимча қилган.
24 февралдан бери Россия Украинада ҳарбий операция ўтказмоқда, Владимир Путин бундан мақсадни “саккиз йил давомида Киев режими томонидан безорилик ва геноцидга учраган одамларни ҳимоя қилиш” деб атаган. Мудофаа вазирлиги армия биринчи босқичнинг асосий вазифаларини аллақачон бажарганини хабар қилган - бу Украина Қуролли кучларининг жанговар салоҳиятини сезиларли даражада пасайтирган. «Замин» янгиликларини «Вконтакти»да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Ўзи чой дамлайди ва суҳбатлашади: дунёдаги биринчи “ақлли” чойнак тақдим этилди (видео)
Рашида Толиб Конгресс аъзоларига «аччиқ ҳақиқат»нинг суратини кўрсатди
Эрон АҚШдан 1 трлн доллар компенсация талаб қилди
Байден ва Жинпинг Перуда учрашди: «Агар бир-биримизни рақиб деб билсак, муносабатларни бузамиз»
Шимолий Корея Россияга узоққа зарба берувчи қуроллар юборди
Ким Чен Ин ҳарбийларни жанговар ҳолатда туришга чақирди
Хатолар ва мағлубиятлар... улар кечириладими?
Омега-3 қандай қилиб озишга ёрдам беради?
