«Муқаддас заминда тинчлик бўлиши учун дуодаман» — Алла Пугачёва Россиядан чиқиб кетганини тасдиқлади

^{Фото: «Москва» агентлиги}
Алла Пугачёва Россияни тарк этиб, Исроилга кетган. Бу ҳақда унинг ўзи Instagram’да маълум қилди.

Хонанда ўз мухлисларига «севги ва қўллаб-қувватлашлари, ҳақиқатни ёлғондан ажрата олишаётгани учун» миннатдорлик билдирди.

«Сизлар учун ва Муқаддас заминда тинчлик бўлиши учун дуодаман», — деб ёзган Пугачёва.

ОАВ 29 сентябрь куни Пугачёва Внуково аэропортидан Исроилга учиб кетгани ҳақида ёзган эди. Ўшанда хонанда ва унинг вакиллари бу маълумотни тасдиқламади.

Уруш бошланганидан кўп ўтмай Россияни тарк этган Пугачёва август ойида мамлакатга қайтган. Ўшанда у бошқа мамлакатга кўчиш ниятида эмаслигини ва фарзандлари Россиядаги мактабга боришини айтганди.

Сентябрь ойи ўрталарида Россия ҳукумати Пугачёванинг турмуш ўртоғи, кўп маротаба урушга қарши чиққан Максим Галкинни «хорижий агент» деб эълон қилди. Шундан сўнг, хонанда ўзини ҳам чет эл агенти деб эълон қилишларини очиқчасига сўради. “Замин” янгиликларини “Telegram”да кузатиб боринг