Туркия, Сурия ва Россия мудофаа вазирлари Москвадаги учрашувда турк қўшинларини Сурия шимолидан олиб чиқиш бўйича келишиб олдилар, деб ёзади “Ал-Ватан” газетаси Дамашқдаги манбаларга таяниб.
Нашр суҳбатдошларидан бирининг сўзларига кўра, музокаралар натижасида “Туркия Суриянинг шимолий ҳудудларидан тинчликпарвар кучларини тўлиқ олиб чиқиб кетишга розилиги, шунингдек, Анқара Сурия суверенитети ва яхлитлигини ҳурмат қилишини тасдиқлаши”ни билдирди.
“Учрашувда, шунингдек, М-4 автомагистралини очиш бўйича 2020 йилда имзоланган шартноманинг бажарилиши муҳокама этилди”, дея қўшимча қилди манба.
Бундан ташқари, газета манбасининг таъкидлашича, музокарачилар Туркияда тақиқланган Курдистон Ишчи партияси террор тузилмалари “Исроил ва АҚШнинг агентлари бўлиб, Туркия ва Сурия учун энг катта хавф туғдиришини таъкидлашди".
Ctrl
Enter
Хато топдИнгизми
Иборани ажратиб Ctrl+Enter тугмасини босингМавзуга оид янгиликлар
