Фото: armenpress.am
Туркия терроризмга қарши кураш учун Арманистон билан чегарадаги Арарат тоғида ҳарбий база қурмоқда. Бу ҳақда турк ОАВларига таяниб, "Арменпресс" агентлиги хабар бермоқда.
Агентлик маълумотларига кўра, база модулли дизайнга эга бўлиб, денгиз сатҳидан 2,1 минг метр баландликда жойлашади.
У замонавий тунги кўриш кузатув технологиялари ва автоном қурол тизимлари билан жиҳозланиши кутилмоқда.
1921 йилги Москва шартномасига биноан Арарат тоғи Туркияга ўтди. Тоғ этагидан Арманистон пойтахти Еревангача бўлган масофа 39 км.ни ташкил этади.
Аввалроқ, Туркия Арманистонни ҳавода юк ташиш тақиқи бекор қилингани ҳақида расман хабардор қилгани хабар қилинганди.
Арманистон Ташқи ишлар вазирлиги матбуот котиби Ваан Ҳунанян мамлакат учинчи давлат фуқароларининг Арманистон ва Туркия ўртасидаги қуруқлик чегарасини кесиб ўтиш имкониятини таъминлаш бўйича келишувнинг амалга оширилишини кутаётганини маълум қилди.
Ctrl
Enter
Хато топдИнгизми
Иборани ажратиб Ctrl+Enter тугмасини босингМавзуга оид янгиликлар
