Туркияда 5,6 магнитудали зилзила содир бўлди (видео)

Туркия шарқидаги Малатя вилоятида 27 февраль куни 5,6 магнитудали зилзила содир бўлди. Бу ҳақда Туркия Табиий офатларни бошқариш бошқармасига таяниб, Sabah хабар берди.

Маълум қилинишича, зилзила эпицентри Ешилюрт аҳоли пункти ҳудудида, 7 километр чуқурликда бўлган. Зилзила оқибатида бир киши ҳалок бўлган, 69 киши жароҳатланган. Ҳозиргача камида 22 та бино вайрон бўлган.

Малатя вилояти Туркияда 6 февраль куни содир бўлган икки даҳшатли зилзиладан жабр кўрган ўнта вилоятдан бири ҳисобланади. Ҳозиргача Туркияда зилзила қурбонлари сони 44 мингдан ошган.