Туркия Эрон билан чегарада 295 километрлик хавфсизлик девори қурилишини якунлади
Фото: iha.com.tr
Туркия Эрон билан чегарада 295 километрлик бетон девор қурилишини якунлади. У ноқонуний муҳожирларнинг чегарани кесиб ўтишини, контрабанда фаолияти ва эҳтимолий террорчиларнинг кириб келишининг олдини олиш учун барпо этилган.
Чегара чизиғи учувчисиз учиш аппаратлари ва оптик миноралар ёрдамида доимий назорат остида экани таъкидланмоқда. Чегара хавфсизлигини энг юқори даражада ушлаб туриш учун чегарачилар зирҳли транспорт воситаларидан фойдаланган ҳолда патруллик қилмоқда.
Қўриқлаш миноралари камералар билан жиҳозланган, хандақлар билан қўллаб-қувватланган. Чегара қўшинлари кунига 24 соат, ҳафтасига 7 кун хавфсизлик девори йўналишида патруллик қилиш орқали чегара хавфсизлигини таъминламоқда.
Изоҳлар 0
…