Кадр: Telegram
Қозоғистоннинг Ақтўбе вилоятидан ўтувчи Карабутак—Костанай автомобиль йўлида ичида 32 нафар Ўзбекистон фуқароси бўлган автобус ағдарилиб кетди. Бу ҳақда Қозоғистон ФВВ матбуот хизмати хабар берди.
“29 декабрь куни соат 18:50 да Карабута—Костанай автомобиль йўлида йўловчи автобуси ағдарилиб кетгани ҳақида хабар келиб тушди”, — дейилади Қозоғистон ФВВ маълумотида.
Маълум қилинишича, ҳодиса оқибатида ҳеч ким жабрланмаган. ЙТҲга учраган автобус Екатеринбург—Чимкент йўналиши бўйича ҳаракатланаётган бўлган.
“Ҳодиса жойида қутқарувчилар, полиция ходимлари ишламоқда, 32 нафар Ўзбекистон фуқароси тумандаги масжидга эвакуация қилинди”, — дейилади ФВВ хабарида.
Шунингдек, қутқарувчилар фуқароларни ноқулай об-ҳаво шароитида транспорт воситаларида ҳаракатланмасликка чақирди.
Декабрь ўрталарида Қозоғистоннинг Қарағанди вилоятидаги трассада автобусда совуқда қолиб кетган 20 нафар ўзбекистонликка ёрдам берилганди.
“Замин” янгиликларини “Telegram”да кузатиб боринг
