Алексей Навальнийнинг жасади онасига топширилди

^{Фото: Москва шаҳар суди}
Россиялик мухолифатчи, марҳум Алексей Навальнийнинг жасади унинг онаси Людмила Навальнаяга топширилди. Бу ҳақда мухолифатчининг матбуот котиби Кира Ярмиш хабар берди.

“Алексейнинг жасади онасига топширилди. Биз билан биргаликда буни талаб қилган барчага катта раҳмат. Хайр Салехардаги Людмила Ивановна. Дафн маросими ҳали олдинда. Оиласи марҳумни хоҳлаган ва Алексейга муносиб тарзда дафн қилишига расмийлар халақит берадими ёки йўқлигини билмаймиз. Маълумотлар пайдо бўлиши билан хабар берамиз”, — деди Ярмиш.

Алексей Навальний ўлими

Россиялик сиёсатчи, Путиннинг ашаддий танқидчиси Алексей Навальний 16 февраль куни колонияда вафот этди. Россия қамоқхона хизматига кўра, у “сайрдан кейин ўзини ёмон ҳис қилган ва ҳушини йўқотган”. Ўлимга дастлаб тромб ёрилгани сабаб бўлгани айтилган.

“Оммавий ахборот воситаларида ёзилаётган ва Жазони ижро этиш Федерал хизмати томонидан эълон қилинган хабарда Алексей Навальний тромб ёрилишидан вафот этгани айтилмоқда. Аммо буни ҳозирча тасдиқлаб бўлмайди, чунки бу касалликни аниқлаш учун аввал мурдани ёриб кўриш керак”, — деган Навальнийни даволаган шифокор Полупанов.

Ўз навбатида, Тергов қўмитаси терговчилар марҳумнинг жасади текширилишини маълум қилганди. Кира Ярмиш ва мухолифатчининг тарафдорлари ўшанда Навальнийнинг жасадини зудлик билан оиласига беришни талаб қилганди. “Замин” янгиликларини “Telegram”да кузатиб боринг