Фото: РБК
Forbes маълумотларига кўра 13,4 миллиард доллар бойлиги билан россиялик энг бойлар рўйхатида тўққизинчи ўринда турувчи, USM асосчиси Алишер Усмонов Кёльн прокуратурасига ARD журналисти Ханс-Йоахим Зеппелтга нисбатан жиноий иш қўзғатилишини сўраб ариза берди.
Журналист аввалроқ Усмоновни Халқаро қиличбозлик федерациясида ҳакамларга пора бериш тизимини яратишда айблаган эди.
Октябрь ойи бошида Гамбург вилоят суди Зеппелтга қарши ишда Усмонов тарафини олган ва “шубҳага асосланган номақбул хабарлар” тарқатилишига қарши қарор чиқарган эди. Шундан сўнг АRD телеканали журналист россиялик тадбиркорга қарши айбловлар қўйган хабарни ўчириб ташлаган.
Усмоновнинг адвокати Йахим Штайнхофелга кўра, 8 октябрь куни Усмонов ҳам Кёльн прокуратурасига Зеппелтга нисбатан жиноий иш қўзғатиш тўғрисида ариза топширган.
“Зеппелт ва ARD-Sportschau асосий журналистика стандартлари ва матбуот кодексини бузган. Қонунда бундай қабиҳ ғаразли гаплар учун жавобгарлик белгиланган. Зеппелт Усмоновнинг обрўсига путур етказишга уринди. Аммо унинг ҳеч қандай фактлари бўлмаган. Бу журналистика эмас, бу шармандалик”, дейди Штайнхофел.
Кёльн прокуратураси вакили Улрих Бремер Bild нашрига баёнот Усмоновдан олинганини дарҳол тасдиқламаган. Унинг қайд этишича, агар баёнот келиб тушса, прокуратура дастлаб аризада далиллар мавжудлигини текширади, сўнгра жиноят иши қўзғатиш тўғрисида қарор қабул қилади.
Зеппелтнинг ўзи ҳам даъво аризаси ҳақида бехабар.
“Менда на расмийлардан, на сиз айтган баёнот бўйича бошқа маълумотлар йўқ. Шунинг учун сиз айтган фактларга изоҳ беришга асосим йўқ”, деди Bild журналисти.
2024 йил август ойида АRD телеканали Париж Олимпиадасидаги қиличбозлик ҳақида бир нечта мақола ва видеорепортаж чоп этган эди. Уларда Зеппелт Усмоновни ушбу спорт турида “судьяларга пора бериш” тизимини яратишда айблаган. Мисол тариқасида у фаворитлардан бири, грузиялик қиличбоз Сандро Базадзенинг 1/8 финалдаги мағлубиятини келтирган ва мазкур мағлубиятда ҳакамликни айблаган.
Кейинроқ Грузия қиличбозлик федерацияси президенти Мераб Базадзе (спортчининг отаси) бу баёнотини эмоционал деб қайтариб олган ва федерациядан узр сўраган.
2014 йилда айнан Зеппелтнинг Россиядаги допинг ҳақидаги бир қатор хабарларидан сўнг халқаро спорт ташкилотлари текширув бошлаган ва бу Россиядан бир қатор спортчиларнинг дисквалификациясига сабаб бўлган эди.
Алишер Усмонов, Немис журналисти, Судга ариза, Ханс-Йоахим Зеппелт “Замин” янгиликларини “Facebook”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Туркия “Марказий Осиё” атамасини “Туркистон”га ўзгартиради
Исроил армияси: “Ҳизбуллоҳ” бир кунда Исроилга 360 та снаряд отди
Рус қўшинлари Донбассда илгариламоқда. Таҳлилчилар нима дейди?
Курск вилоятида асир олинган Украина разведкачилари алмашинувдан бош тортди
АҚШ Афғонистондаги ҳарбий ҳаракатларга қанча маблағ сарфлагани маълум қилинди
Украинада КХДР аскарлари жанг қиляптими — ва улар Россия армиясига қандай ёрдам бера олади?
Украина Қуролли кучлари: фронтдаги вазият қийин, РФ тинимсиз ҳужум қилмоқда
АҚШнинг Флорида штатига кучли “Милтон” тўфони ва торнадо ёпирилди (видео)
