Ҳозирги вақтда Алла Пугачёва Кипрда истиқомат қилмоқда. Россиялик журналистлар уни Лимасолдаги сайр вақтида учратиб, у ердаги ҳаёти ҳақида савол беришди. Бироқ бу савол примадонна томонидан кескин реакция билан кутиб олинди.
Журналистнинг сўровига жавобан Пугачёва ҳақорат ва тажовузкор муносабат билан жавоб қайтарди. Гап-сўзлар шиддатли тус олганидан сўнг журналист орқага чекинишга мажбур бўлган ва уни тинчлантиришни сўраган.
Жанжал давомида Пугачёва ўзини ватанпарвар, журналистни эса бешараф деб атаган. Аммо у Россиядан нега чиқиб кетганини изоҳлаб бера олмаган.
"Менга Лимассол жуда ёқади. Сиз аҳмоқ ва беадабсиз. Мен ватанпарварман, сиз эса беадабсиз", деб қичқирди Пугачева.
Қизиғи шундаки, жанжал вақтида у билан бирга унинг Максим Галкиндан туғилган ўғли Гарри ҳам бўлган. У содир бўлаётган можарони тинчгина кузатган.
Россияни тарк этган Пугачёва ва Галкиннинг янги ҳаёти
Маълумки, Пугачёва ва Галкин махсус ҳарбий операция бошланганидан кейин Россияни тарк этишган. Улар аввал Исроилга жойлашишган, аммо Яқин Шарқдаги можаро туфайли Кипрга кўчиб ўтишган.
Шунингдек, улар кўп сайёҳат қилишади – яқинда уларни Франция ва Латвияда ҳам кўришган.
Бу воқеа ижтимоий тармоқларда ва оммавий ахборот воситаларида кенг муҳокама қилинмоқда. Пугачёванинг кескин муносабати унинг мухлислари ўртасида турли фикрлар пайдо қилди. Унинг Россиядан кетиш сабаблари ҳақида ҳали ҳам аниқ маълумот йўқ. “Замин” янгиликларини “Telegram”да кузатиб боринг
Ctrl
Enter
Хато топдИнгизми
Иборани ажратиб Ctrl+Enter тугмасини босингМавзуга оид янгиликлар
