XX асрнинг энг машҳур жосусларидан бири вафот этди

Британияга қочган КГБ агенти Олег Гордиевский 87 ёшида вафот этди, деб "Би-Би-Си" телеканали хабар берди.

Гордиевский ХХ асрнинг энг машҳур жосусларидан бири ҳисобланади. У КГБда 23 йил давомида фаолият юритган ва Совет махфий хизматларидаги энг муҳим Британия разведка агенти сифатида танилган. Олег Пенковскийдан кейин у Британия учун маълумот тарқатган энг йирик агентлардан бири эди.

1985 йилда Гордиевский Британиядаги Совет разведка резиденцияси раҳбари лавозимига тайинланиш арафасида эди. Бироқ ўша йилнинг июлида Москвада у Британия контрразведкаси (MI5) билан ҳамкорликда гумон қилиниб, бир неча соат давомида сўроқ қилинган. Шундан сўнг, у Совет Иттифоқидан қочишга қарор қилди.

Гордиевскийнинг қочиши Буюк Британиянинг Москвадаги элчихонаси ёрдамида ташкил этилган бўлиб, у дипломатик машина юкхонасида яширин равишда олиб кетилган.

У қочиб кетганидан кейин дунёқараши Совет Иттифоқидаги ўзгаришлар, айниқса, Сталин даври жиноятлари ва Хрушчёв ислоҳотлари таъсирида ўзгарганини айтган.

2007 йилда Гордиевский Буюк Британиянинг авлиё Михаил ва авлиё Георгий ордени билан тақдирланган. “Замин” янгиликларини “Telegram”да кузатиб боринг