Signal мессенжерида Ямандаги ҳусийларга нисбатан зарбаларни муҳокама қилгани бўйича Пентагон бош инспектори вазифасини бажарувчи Стивен Стеббинс тергов бошланганини эълон қилди, деб Bloomberg хабар берди.
Стеббинсга кўра, текширув Қонун чиқарувчилар сўровига жавобан бошланган. Сенаторлар — республикачи Рожер Уикер ва демократ Жек Рид ушбу ҳолат юзасидан «фактлар ва вазиятларни» ўрганишни сўрашган.
Bloomberg таъкидлашича, бундай мактублар одатда тергов жараёнини жадаллаштиради. Январ ойида Доналд Трамп президентлик лавозимига киришганидан сўнг, Стеббинсдаги олдинги инспектор Роберт Сторч бошқа инспекторлар билан бирга ишдан олинган.
The Atlantic нашри маълум қилишича, Трамп маъмуриятининг юқори амалдорлари 14 март куни Signal мессенжерида ҳусийларга нисбатан ҳарбий зарбаларни муҳокама қилган. Ушбу махфий чатда Пентагон раҳбари Пит Ҳегсет ва вице-президент Жей Ди Вэнс ҳам бўлган.
Миллий хавфсизлик бўйича маслаҳатчи Майк Уолц чатни очганини ва маълумотлар тарқалиши учун масъулиятни ўз зиммасига олган. Унга кўра, журналист Жеффри Голдберг чатга Уолц номидан таклиф қилинган.
Экспертлар давлат махфий режаларини тижорий мессенжерларда муҳокама қилишни қаттиқ танқид қилмоқда. Бу операция хавфсизлигига катта таҳдид бўлиб, Шпионаж тўғрисидаги қонун ҳамда давлат ҳужжатларини сақлаш қоидаларига зид бўлиши мумкин. “Замин” янгиликларини “Telegram”да кузатиб боринг
Ctrl
Enter
Хато топдИнгизми
Иборани ажратиб Ctrl+Enter тугмасини босингМавзуга оид янгиликлар
