Яқин Шарқда катта сиёсий рамз ўзгариши рўй берди — Сурия расман янги давлат гербини тасдиқлади, деб хабар берди маҳаллий ОАВ. Энди мамлакат рамзида қанотларини ёйган қирғий қуш ва унинг боши устида қора фондаги уч юлдуз акс эттирилади. Янги гербнинг тақдимоти мамлакат президенти Аҳмад аш-Шаръа иштирокида ўтди.
Тақдимот маросимида президент Аҳмад аш-Шаръа тарихий маърузаси билан чиқиш қилди: “Олис-олис замонларда кўп одамлар яшаган шаҳар ҳақида эртак туғилган. Ўшандан ибтидоий тарих пойдевори қўйилган, одамлар янада гавжумлаша бошлагач, тартиб-қоидаларга эҳтиёж пайдо бўлди, шу тариқа ҳаёт қоидалари ёзила бошланди ва инсониятга маълум биринчи пойтахт — Дамашқ бунёд этилди”, — деди у.
Янги герб мамлакат мустақиллиги, миллий қадриятлари ва ҳозирги тараққиёти рамзи сифатида қабул қилинди. Аввалги гербда қалқон билан тўсилган бургут тасвирланган, унда Сурия байроғининг икки юлдузи бўлган. Энди эса янги рамз — тарих ва замонавийликнинг уйғунлашуви сифатида кўрилмоқда.
Янги гербдаги қирғий қуш — эркинлик ва қудрат, уч юлдуз эса миллий бирлик ва истиқлолнинг белгиси сифатида талқин қилинмоқда. Қуш боши устидаги қора фондаги юлдузлар эса мамлакатнинг янги йўли ва келажакка интилишини ифодалайди.
Мухлислар ва экспертлар янги давлат рамзи мамлакат учун янги тарихий саҳифа очишини, миллий ва халқаро майдонда Суриянинг янгича юзини намоён этишини кутмоқда. Президент Аҳмад аш-Шаръанинг таъкидлашича, бу рамз Суриянинг чуқур илдизлари ва янги даврга қадам ташлаётганини англатади.
Шу тариқа, янги герб тақдимоти нафақат мамлакат сиёсий ҳаётида, балки миллий ўзлик ва тарихий мерос учун ҳам муҳим воқеа бўлиб қолди. Сурия ўз рамзлари орқали янги келажак сари йўл очмоқда.
Суриянинг 1980–2024 йиллардаги герби.
Фото: Wikipedia «Замин»ни Telegram’да ўқинг!
Ctrl
Enter
Хато топдИнгизми
Иборани ажратиб Ctrl+Enter тугмасини босинг Мавзуга оид янгиликлар
