Эри унутди — аёли $500 минг доллар ютди

15:05 / 30.07.2025·3.2K·Дунё

Қисқача

АҚШнинг Жанубий Каролина штатида яшовчи аёл эрининг лотерея билетини олишни унутгани сабабли дўконга қайтиб, $500 000 ютиб олди. У учта билет харид қилган, шундан учинчиси унга омад келтирган. Аёл ютуқнинг бир қисмини орзу қилган саёҳатларига, қолганини эса эрта пенсияга чиқиш учун сарфлашни режалаштирмоқда.

АҚШнинг Жанубий Каролина штатида яшовчи аёл бир қарашда оддий бўлиб туюлган унутилиш орқали ярим миллион доллар ютди. Унинг эр-хотинлик ҳаётидаги битта "хатоси" эса аёл учун омад эшигини очди.

Ҳикоя шундай бошланган: жуфтлик ҳар кунлик эҳтиёжлар учун дўконга борган. Харидларни тугатиб, машинага қайтган пайтда аёл эридан нима учун лотерея билетини олмаганини сўраган. Эри бу вазифани унутганини тан олган. Шунда аёл дўконга қайтиб, билетерни ўзи харид қилган.

Аёл лотерея компанияси ходимларига берган интервьюсида қайд этганидек, дўконда навбатда турганида унга ёрқин ва жозибадор билетлар кўзга ташланган. "Мен учта билет олдим. Иккитаси ҳеч нарса келтирмади, лекин учинчиси бутун ҳаётимни ўзгартирди", — деди у.

Айни ўша учинчи билет орқали у $500 000 (яъни қарийб 6,5 миллиард сўм) ютуққа эга бўлди.

Ютуқни қўлга киритган аёл бу пулларни режали сарфлаш ниятида. Унинг айтишича, маблағнинг бир қисмини орзу қилган саёҳатларига сарфлайди. Қолган қисми эса — эрта пенсияга чиқиш, яъни ишдан вақтидан олдин кетиш учун ишлатилади.

"Мен энди тинчликда, ҳеч нарсадан хавотирсиз ҳаёт кечиришни истайман", — деган аёл.