Бугун Венесуэла президенти Николас Мадуронинг АҚШда суди бўлиб ўтади

Венесуэла президенти Николас Мадуро бугун, 5 январь куни маҳаллий вақт билан тушда Нью-Йорк жанубий округи федерал судига чиқиши кутилмоқда.

The New York Times маълумотига кўра, Венесуэла етакчисининг рафиқаси Силиа Флорес де Мадуро ҳам бир вақтда Манхеттен судида иштирок этиши мўлжалланган. Суд жараёнида улар иккаласига ҳам расман айбловлар ўқилиши назарда тутилган. Суд жараёнида судья Алвин Хеллерштейн ишда раислик қилади.

Суд ҳужжатларига кўра, Николас Мадуро қуйидаги айблар билан айбланмоқда: наркотик терроризмини ташкил этиш, кокаин импорт қилиш учун тил бириктириш, қурол-яроғ ва портловчи моддаларга эгалик қилиш, шунингдек, АҚШга қарши қурол ва портловчи воситаларни сақлаш учун тил бириктириш.

Бу жараён Венесуэла президенти учун халқаро майдондаги энг жиддий ҳуқуқий синовлардан бири бўлиб, унинг сиёсий ва иқтисодий обрўсига жиддий таъсир кўрсатиши мумкин.

Charos Zarqarayeva

«ZAMIN.UZ» муҳаррири