Эрон Дубайдаги дрон омборини йўқ қилганини билдирди
Эрон Дубайда Украинага тегишли дронларга қарши тизимлар сақланадиган омбор қўшма амалиёт давомида йўқ қилинганини маълум қилди. Украина Ташқи ишлар вазирлиги вакили Георгий Тихий ИИҚК баёнотини "ёлғон" деб баҳолаб, бу даъвони рад этди. Владимир Зеленский Саудия Арабистонидан сўнг Бирлашган Араб Амирликлари ва Қатарга ташриф буюриб, украиналик мутахассислар хизматлари ҳамда дронларни аниқлаш ва нейтраллаштириш тизимларини таклиф қилгани айтилмоқда.
Эрон томони Дубайда жойлашган Украинага тегишли дронларга қарши тизимлар сақланадиган омборни йўқ қилганини маълум қилди.
Ислом инқилоби қўриқчилари корпуси тарқатган маълумотга кўра, аэрокосмик ҳамда ҳарбий-денгиз кучлари иштирокида ўтказилган қўшма амалиёт давомида мазкур объект нишонга олинган. Ушбу омбор АҚШ армиясига ёрдам бериш мақсадида фаолият юритгани таъкидланган.
Бироқ Украина томони бу даъвони рад этди. Украина ташқи ишлар вазирлиги вакили Георгий Тихий ИИҚКнинг ушбу баёнотини “ёлғон” деб баҳолади.
Айни пайтда, Украина президенти Владимир Зеленский Саудия Арабистонидан сўнг Бирлашган Араб Амирликлари ва Қатарга ташриф буюрди. У ерда у украиналик мутахассислар хизматлари ҳамда дронларни аниқлаш ва нейтраллаштириш тизимларини таклиф қилгани айтилмоқда.
Кузатувчилар фикрича, мазкур қарама-қарши баёнотлар минтақадаги ахборот уруши ва геосиёсий кескинликлар янада кучайиб бораётганидан далолат беради.
Изоҳлар 0
…