Боливия президентининг маслаҳатчиси суиқасд иши бўйича ҳибсга олинди

Боливия президенти Родриго Пас билан ишлаган аргентиналик сиёсий маслаҳатчи Фернандо Серимедо собиқ севгилиси Надя Беллерга суиқасд қилишга уринишда айбланиб, 180 кунга қамоққа олинди. Бу ҳақда "El Deber" нашри хабар берди.

Газета маълумотларига кўра, судья Аргентина фуқаросини дастлабки тергов даврида қамоқда сақлаш ҳақида қарор чиқарган. Ҳужум оқибатида жароҳатланган Беллер ҳозирда шифохонада даволанмоқда. У суд мажлисида видеоконференция орқали иштирок этган.

Серимедо сиёсий маслаҳатчи сифатида танилган. У Аргентинанинг амалдаги президенти Хавьер Милейнинг сайлов кампаниясида муҳим роль ўйнаган. TN телеканали маълумотларига кўра, у Милей партиясининг рақамли стратегиясини ишлаб чиқишда асосий шахслардан бири бўлган.

Бундан ташқари, Серимедо Бразилиянинг собиқ президенти Жаир Болсонару билан ҳам алоқаларни сақлаб келган.