Қатар делегацияси самолёти Швейцарияда кучли шамолда ёнбошлаб қўнди (видео)

1 дақиқа ўқиш7
Қатар делегацияси самолёти Швейцарияда кучли шамолда ёнбошлаб қўнди (видео)

Қатар ҳукумати делегацияси аъзоларини олиб кетаётган Airbus A320 самолёти Швейцариянинг Берн шаҳрида кучли ёнлама шамол сабаб ғайриоддий тарзда қўнишга мажбур бўлди. Самолётнинг гўё ёнбошлаб учаётгандек кўринган ҳолати акс этган видео ижтимоий тармоқларда тарқалди. Бу ҳақда People хабар берди.

Ҳодиса 17 ноябрь куни Берн яқинидаги Белп аэропортида содир бўлган. Маълум қилинишича, самолёт Қатар пойтахти Доҳа шаҳридан учиб келган. Қўниш вақтида шамолнинг тезлиги соатига 65 километргача етган.

Кучли ёнлама шамол самолётни учиш-қўниш йўлагидан четга суриш хавфини юзага келтирган. Шу сабабли учувчилар авиацияда «краб» (crab landing) деб аталадиган қўниш усулидан фойдаланган.

Бунда учувчилар самолёт бурнини шамол эсиб келаётган томонга бурган ҳолда учади. Қўнишдан бироз олдин эса унинг йўналишини учиш-қўниш йўлагига мослаштиради. Натижада самолёт ёнбошлаб ҳаракатланаётгандек кўринади.

Самолётни тасвирга олган авиация ишқибози Маттиас Хэннининг айтишича, шамолнинг кучли эсиши сабаб у учувчилар қўнишни бекор қилиб, қайта айланиб келишга қарор қилади, деб ўйлаган. Шунга қарамай, самолёт муваффақиятли қўнган.

Қайд этиш жоиз, ушбу самолётда Қатар амири Шайх Тамим бин Ҳамад Ол Соний бўлмаган. Унинг мамлакатга давлат ташрифи 18–19 ноябрь кунларига белгиланган бўлиб, амир Швейцарияга алоҳида ташриф буюрган.

Қатар делегацияси самолётининг мураккаб об-ҳаво шароитида қўниши акс этган кадрлар интернет фойдаланувчиларининг эътиборини тортди.

Мақола сизга ёқдими?

Обуна билан реклама бўлмайди

Zamin Premium — ойига 4 900 сўм

Изоҳлар0

…

  1. Футбол академиялари учун Skaut: тўлов, давомат ва ота-она билан алоқа энди битта тизимда
  2. Тошкентдан Америкага: Нурмухаммад Исмоилов Akinda орқали ҳалол инвестицияни глобал миқёсга олиб чиқмоқда
  3. Автосервисингизни рақамлаштиринг: Bip Business билан мижозларни йўқотманг
  4. Машина ойнасига рақам ёзиш хавфлими? Bip ҳайдовчилар учун янги ечим топди!
  5. 8 та кенг тарқалган молиявий хато: нималардан сақланиш керак?
  6. Playmatch: майдон эгалари ишини анча енгиллаштиради
  7. Playmatch: футбол ўйнаш учун керакли барча хизматлар битта иловада
  8. Кундалик харажатлар учун картани қандай танлаш мумкин?
  9. Элдор Шомуродов футбол академияси ва TBC Bank: болалик орзуларидан катта футболгача
  10. ANORBANK Бўстонлиқдаги 168-сон мактаб-интернат тарбияланувчиларини табриклади
  11. Ҳайдовчилар ва ташувчилар учун ОСГОП суғуртасининг афзалликлари...
  12. Pure Milky’дан навбатдаги креатив: Ҳар қадам — азиз инсонларга меҳр билан!
  13. Кредит олиш имкониятини ошириш учун қаерда ишлаш керак?
  14. Бизнес имкониятингизни кенгайтиринг
  15. Фаннинг ривожланишига барчамиз масъулмиз!
  16. XIV Тошкент халқаро кинофестивали қандай ўтказилмоқда?