22:15 / 11.09.2017
4 921

“Ирма” тўфони Санкт-Петербург шаҳрига хавф солмоқда

“Ирма” тўфони Санкт-Петербург шаҳрига хавф солмоқда
Кариб денгизи ҳавзасидаги ҳудудларга кучли талофатлар келтираётган “Ирма” тўфони АҚШнинг Санкт-Петербург шаҳрига яқинлашмоқда. Бу ҳақда “Qalampir.uz” нашри хабар берди.

АҚШнинг Санкт-Петербург шаҳри мэри Рик Крисман ўз интервьюсида вақтида бошпана топишга улгурмаган шаҳар аҳолисини ўз уйларида, имкон даражасида хавфсизликни таъминлашга чақирди.

Шаҳар расмийлари кучли шамол ва шиддатли тўлқинлар ёпирилиши мумкинлигини таъкидламоқда. Бироқ тўфон Санкт-Петербург шаҳрига қанчалик талофат етказиши мумкинлиги ҳақида маълумотлар берилмаган.

Маълумот учун, ушбу шаҳар АҚШнинг жанубидаги Флорида ярим оролида жойлашган бўлиб, рус сайёҳи томонидан 1892 йилда асос солинган.

Аввалроқ, Франциянинг денгизорти ҳудудлари бўлмиш Кариб денгизида жойлашган Сан-Мартин ва Сан-Бартc ороллари “Ирма” тўфони натижасида катта иқтисодий зарар кўргани ҳақида хабар берган эдик.

arenda kvartira tashkent


Ctrl
Enter
Хато топдИнгизми?
Иборани ажратиб Ctrl+Enter тугмасини босинг
Янгиликлар » Дунё » “Ирма” тўфони Санкт-Петербург шаҳрига хавф солмоқда