Курдлар Сурияда Туркияга қарши “катта уруш” бошлаш билан таҳдид қилишди

  • 08 август 2019, 08:55
  • 828
  • Дунё
  • Курдлар Сурияда Туркияга қарши “катта уруш” бошлаш билан таҳдид қилишди
    Суриялик курдлар Туркия ва АҚШ ўртасида Сурияда хавфсиз ҳудуд ташкил этиш бўйича музокаралар муваффақиятсизликка учраса, курд отрядлари Туркияга қарши “катта уруш” бошлашга тайёрликларини айтишди. Бу ҳақда Reuters ахборот агентлиги хабар берди.

    “Биз сиёсий ечим ва мулоқотни истаймиз. Агар ҳудудий ва халқаро саъй-ҳаракатлар бошқа қолмаса, унда биз катта кўламли ҳарбий қарама-қаршилик вазиятига тушамиз”, деб айтган Суриянинг шимол ва шарқидаги курд маъмурияти вакили Бадран Жиа Курд.

    7 августда Анқарадаги музокаралардан кейин Туркия ҳарбийлари АҚШ билан биргаликда Сурия шимолида мувофиқлаштириш марказини ташкил этишга рози эканликларини маълум қилишган.

    » » Курдлар Сурияда Туркияга қарши “катта уруш” бошлаш билан таҳдид қилишди