Жанубий Каролина штати губернатори «Дориан» тўфони муносабати билан фавқулодда ҳолат эълон қилди

^{Фото: Reuters}
Жанубий Каролина штати губернатори Генри Макмастер «Дориан» тўфони муносабати билан фавқулодда ҳолат эълон қилди, деб хабар берди «Daryo.uz» нашри.
Губернатор штат аҳолисини огоҳ бўлишга ва табиий офат келтириши мумкин бўлган оқибатларга тайёр туришга чақирди.

«Тўфон кучини ҳисобга олган ҳолда биз ҳар қандай вазиятга тайёр туришимиз керак. Жанубий Каролина жамоаси талаб қилинган тақдирда тайёр туриш учун кечаю кундуз ишламоқда», — дейди губернатор.

Американинг Флорида штати қирғоқларига яқинлашаётган «Дориан» тўфони бир кун олдин тўртинчи даражагача кучайди.
«Дориан» душанба куни кечқурун Флорида ярим ороли қирғоқларига етиб келиши кутилмоқда.

Агар метеорологлар прогнозлари тўғри чиқса, «Дориан» Флоридадаги 1992 йилдаги «Эндрю» тўфонидан кейинги энг кучли тўфон бўлади. “Замин” янгиликларини “Youtube”да кузатиб боринг