Туркиядаги мактаблар ва университетларда таътил эълон қилинди

^{Фото: Anadolu Ajansi}
Туркия президенти матбуот котиби Калин президент Эрдўған раислигида ўтказилган янги коронавирус бўйича йиғилишда кўрилган чоралар ҳақида эълон қилди.

Туркия президенти Ражаб Тоййиб Эрдўған бошчилигида янги турдаги коронавирус тарқалишига қарши чора-тадбирлар тўғрисида йиғилишда 16 мартдан бошлаб мамлакатдаги бошланғич ва ўрта мактабларга бир ҳафта давомида таътил эълон қилиниши бўйича қарор қабул қилинган. Бу ҳақда президент матбуот котиби Иброҳим Калин маълум қилган.

«Ўқувчилар 23 мартдан бошлаб бир ҳафта давомида уйда интернет ва телевизион каналлар ёрдамида таҳсил олишади.

Бизнинг фуқароларимиз фаоллик кўрсатган ҳолда, ваҳима қилмай расмий баёнотларни тинглаш ва тавсияларга диққат билан риоя қилиш орқали бу жараённи енгиб ўтишлари жуда муҳимдир», деган у.
Шунингдек, 16 мартдан бошлаб университетлар 3 ҳафта таътилга чиқиши маълум қилинган. “Замин” янгиликларини “Одноклассники”да кузатиб боринг