«Биз Тожикистон билан чегаранинг 70 фоиздан кўпроғини эгаллаб олдик. Бизда дўстона давлат – Тожикистон билан яхши муносабатлар бўлади. Чегарада хавфсизлик ўрнатилади ва ҳеч қандай аралашув бўлмайди», деб айтган Мужоҳид.
«Кеча Бадахшоннинг катта қисмини эгалладик ва чегарада ҳукумат томонида ҳаракат қилганлар у ердан қочди. Натижада ҳудуд бизнинг назоратга ўтди. Улар бу ҳудудлар устидан назоратни қўлга кирита олмайди. Назоратимиздаги ҳудудларда барча йўналишлар бўйича мунтазам кучларимиз бор. Дастлаб улар қаршилик кўрсата олишмади, ҳозир эса умуман қўлларидан ҳеч нарса келмаяпти. Яхшиси, мулоқот йўлидан бориш, қолган муаммоларни эса музокараларда ҳал қилиш лозим», деб қўшимча қилган «Толибон» вакили.
«Мозори-Шариф толибларга бериладими-йўқми, ҳозир айта олмайман, бироқ хавфсизлик нуқтайи назаридан у ердаги элчихоналар, консулхоналар ва хорижий дипломатлар хавфсизлиги таъминланади ва улар учун ҳеч қандай муаммо бўлмайди. Биз Мозори-Шарифда элчихоналари ва консулхоналари бор бўлган давлатлар билан алоқада бўлиб турибмиз, улар бизга ишонч билдирмоқда», деб айтган Мужоҳид.
Унинг таъкидлашича, Афғонистон ҳукумати Қатарда ўтаётган музокараларни жиддий қабул қилмаяпти ва улар давом этишини хоҳламаяпти.
«Музокара олиб борувчи гуруҳимиз Қатарда қолмоқда ва биз улар [ҳукумат] келиб, гаплашишини кутмоқдамиз. Афсуски, уларнинг музокара олиб борувчи гуруҳидан 4-5 кишигина музокараларда қатнашди, қолган қисми эса Кобулда ёки яна бошқа жойда қолмоқда ва музокараларга келмади. Ваҳоланки, улар музокараларда иштирок этишга бир неча марта ваъда беришганди, бироқ келишмади. Музокаралар эса 2-3 кун олдин бошланиб бўлди», деб таъкидлаб ўтган «Толибон» вакили.
Мужоҳиднинг айтишича, толиблар Москвада Афғонистонаро музокаралар ўтказиш таклифи тушса, уни кўриб чиқишга тайёрлар.
Айни вақтда Афғонистонда ҳукумат қўшинлари ва «Толибон» жангарилари ўртасида тўқнашувлар бормоқда. Толиблар қишлоқ жойларидаги катта ҳудудларни эгаллаб олди ва ҳозирда йирик шаҳарларга юришни амалга оширмоқда. “Замин” янгиликларини “Инстаграм”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Ўзбекистонда ўтган уч ойда қанча автомобиль ишлаб чиқарилган?
Crocus терактида айбланаётган тожикистонлик Далержон Мирзоевнинг ота-онаси ўғли ҳақида гапирди
Олимлар ўқувчиларнинг фамилиясидаги бош ҳарф уларнинг баҳосига таъсир қилишини аниқлади
Damas учун онлайн контрактация очилади
Рамзан Қодировнинг 19 ёшли қизи медаль билан тақдирланди
Швейцария президенти Путинга мактуб йўллади
АҚШнинг Суриядаги ҳарбий базасига ракеталар ҳужум қилди
Футзал. Осиё Кубоги. Тожикистон Японияни гуруҳда қолдирди